చీకటి చిందులు

 చీకటికి ఆధారం ఏమిటి  ? అసలు చీకటి అంటే ? ఎందుకు మన వాళ్ళు అజ్ఞానాన్ని చీకటితో పోలుస్తారు ?
ఇలాంటి చాలా ప్రశ్నలు మనస్సుని మదిస్తుంటే ....
నాకు అనిపించిన , నా మదికి కనిపించిన జవాబు , చీకటి అనేది అసలు లేనేలేదు .మనం దేనిని చీకటి అంటున్నామో అది కేవలం వెలుగు లేని స్థితి మాత్రమే . చీకటిని పారద్రోలాలంటే , యుద్ధం  చెయ్యాల్సింది చీకటితో కాదు , వెలుగుతో ..
                                                              .. చీకటి చిందులు
నేలంతా పరచుకున్న నల్ల పిల్లి పిల్లలు ,
నింగి నుండి చొరబడే నిశాసతీ  చూపులు..

సంధ్యా సుందరి మెలకువలో ఎల్లలకే సెలవులు.
హద్దులున్న  చోటల్లా కల్లబొల్లి ఛాయలు.

మసలుతున్న మానవులం మేసలలేని వేళలు.
అలసిన ఆ భానుమూర్తి తీసుకునే సెలవులు .

ప్రాణికోటి స్పందనకే మసి పూసిన నీడలు
కనులున్నా చుదలేనే చీకటమ్మ లీలలు .

జాబిలమ్మ కుంచె పట్టి నల్ల గుడ్డపై గీసే గీతలు
తెల్లటి వెన్నెల కిరణాల్లో అవనిన అలముకొనే కాంతులు

వెలుగులేని నీడలో జరుగుతున్న వింతలు
నిశీధిలో నినదించే నమ్మలేని నిజాలు .

కన్నుల్లో కాగడాలు సాగించే నడకలు ,
అన్వేషణ ఆపలేని ధైర్యం గల మనుషులు .

చల్లగాలి వింజామరలో సేదతీరు జీవులు
ఫాను గాలి పడకలో బాధతీర్చు నిద్రలు .

ఉదయం రవికిరణంతో కాల చక్రం మొదలు
రాతిరి చంద్రుని వెన్నెలలో అవనికెన్ని హొయలు..?