Monday, January 24, 2011

వెలుగుధార




నీడని చూస్తూ భయపడితే
నువ్వంటే నీకే భయమేస్తుంది.
ఒక్కసారి తల తిప్పావంటె
గొప్ప కాంతి నీక్కనిపిస్తుంది.
ఒక వైపే తిరిగి ఉండి వెలుగే  లేదనుకుంటె
నాణానికి మరొ వైపు లేదని పొరబడినట్టే.

సంతోషం ఎక్కడో ఉందని నువ్వనుకుంటె.
నీ ప్రయాణమంతా ఆ నీడల చీకటి వైపే .

ఒక్కసారి కనులు తెరచి నలు దిక్కులు ఛూస్తే
బక్కవాడి పక్కనుండి ప్రపంచాన్ని గమనిస్తే
తెలుస్తుంది నేస్తం నువు పొందుతున్న ఆనందం
విరుస్తుంది నీలో నవ జీవన వసంతం..

భాధకు , ఆనందానికి మధ్యనుంది నువ్వే
దేనినైన , నీ దానిని చేసేది నీ నవ్వే
ఈ సాగర పయనంలొ ప్రతి అలలొ సారం
నీ జీవన గమన మంత కలల సమాహారం..

నీకు ఈ లొకానికి మధ్యనొక్క అద్ధముంది
నువ్వు చూస్తున్నదంత నీకు అందు అర్థమైంది
మకిలి తనం,మురికి తనం ఆ అద్ధంలొ నీ బింబం
మనసుతోటి చరిస్తే  ప్రతి మనిషి నీ బంధం.

ఏదొ చెయ్యాలని  , ఇంకేదో సాధించాలని
ఎవరో నువ్వవ్వాలని , నలుగురు నిను చూడాలని
వాంచ పోవు వేల వరకు , కాంక్ష తీరు గడియ వరకు
నీ దారిలొ నువు పయనిస్తూ నీ చేతిని అందివ్వు.
నువు నమ్మిన అమ్మకాన్ని నమ్మకంగ పంచివ్వు.

సహనంతో సాహసివై  , సంకల్పం ఊపిరియై
ఈ క్షణమే నిజమనుకో.. ఇదియే నీ గెలుపనుకో..          
                                       with love
                                  phani vissapragada..

No comments:

Post a Comment